Sturnelli
Nui simu de Spunganu e ne sapimu
a ddhrunci sciamu la parma purtamu.
Tutti me l’hane dittu mo’ cu te lassu
ma l’aggiu dittu fare ma no’ la possu.
E le canzoni nui no’ le scrivimu
basta ‘vvardamu an terra e le trovamu.
Ci te l’ha dittu beddhra ca no’ te amu
duminica te portu allu giardinu.
E l’acqua ci te lavi ma la matina
ti preu Ninella mia no’ la minare.
E bella li toi capelli e no’ li tagliare
e lasciali spiendulati e pe’ lu sole.
Lu ienticellu vene e li fa cutulare
e cannuli d’oru li fa cumparire.
Ulìa ‘ccuminciu cantare propriu de qquai
fazzu la riverenza a tutti voi.
E t l’aggiu dittu cu no’ vai alla spiga
se voi lu cranu te lu mannu ‘ccasa.
All’erta scìa lu sole mo no’ parìa
era la neja ci lu superava.
Amore amore crida mo’ la nucella
se no’ la cazzi non si può mangiare.
E a sutta l’ombra de li toi capelli
e a dhhrai vegnu la notte a ripusare.
Beddhra ‘lla tua finestra mo’ manca un vetro
e ricordate dei baci ca t’aggiu dati.
Ca t’aggiu dati amore mio
Ricordati li baci che io ti ho dati.
‘Nfaccite alla finestra mo’ se ci sei
dammi un bicchiere d’acqua mo’ se ce l’hai.
Se no’ mbo’ me lu dai patrona sei
verrà nu giornu che la pagherai.
E donna ci stai allu pizzo mo’ de la Francia
e dimme l’amore come se ‘ccumincia.
E l’amore se ‘ccumincia cu soni e canti
e se va spicciare cu pene e trumenti.
E pene trumenti nah, dici lu veru
ca se finisce cu pene e trumenti.