Vegnu de le muntagne caddhipuline
Vegnu de le muntagne caddhipuline
no’ sacciu se la throu la Caterina.
Uehi, Caterina bella, Caterina cara
se an pettu tie la tieni la catena.
Se tie la tieni an pettu ‘ieu a’ manu
e tutti doi ‘ncatenati siamu.
Giudice mo’ ci porti
la penna a’ manu
no’ me la fare longa
la cundanna.
Ca ieu nonn’aggiu ‘ccisu mancu ‘rrubbatu
ma pe’ na donna ‘ngrata
stau carciratu.
Li dici a quiddha donna ci m’ha cundannatu
li dici ‘se pripara lu chiautu.
Li dici se lu face longu e strittu
e cu ‘nci thrase dhu miseru corpu.
Lu carciru de Lecce no’ lu sapìa
me l’hai fattu ‘mparare pe’ l’amore tua.
Lu carciru de Lecce
su croci croci
de lu luntanu passane l’amici.