Le fureseddhre
Nui simu le fureseddhre
simu tutte de Spunganu
sciamu a fore quannu è tiempu
lu sarchiare de lu cranu.
Tiramu la malerva
cullu zappune e culla manu
lu lassamu sulu, sulu
‘u ppozza criscere chiù sanu.
RIT. E cu lu zicutu zi lu zicutu zi lu zicutu za viva le furesehhre, viva le furesehhre. E cu lu zicutu zi lu zicutu zi lu zicutu za viva le furesehhre, cu zappune e cu panar.
E quannu vene iernu
sciamu tutte alle ulìe
‘ntra le Rene e li Pinnardi
‘ntra le Murge e le Calìe.*
U fattore ca ne crida
“A vui dicu, avanti sciamu
stu panaru presto ‘nchimu
quistu è l’urtimu, ne sciamu”.
RIT.
e quannu è fatta l’ua
sciamu tutte vignimamu
‘ntra lu sprinu malvasiu
sta canzune nui cantamu.
RIT.
*Toponimi di oliveti.