Lunidìa mattina
E lu lunidìa mattina,
la Madonna se mise in cammino
e incontra San Giovanni ‘nnanzi,
disse: “O Maria percè chiangi?”
“Eieu chianciu pe lu meu fiju
che a tre giorni ca no’ lu visciu”.
“Vane a casa de Pilatu
ca ‘ddhrai lu trovi ‘ncatenatu”.
E mo tuppi tuppi tuppi,
“E ci è ca è alle porte?”
“Su la mamma sfritta tua,
fiju meu famme trasire”.
“Mamma mia no’ te pozzu aprire
stau ‘mmenzu alle catine.
Ci me sputa e ci me scaffeggia,
ci me minte spine alla testa.
E mo passa de lu ferraru,
fatte fa’ tre lunghi chiodi,
falli fare lunghi e suttili,
ca hannu passare carni civili”.
“Giuda infame e traditore,
quante cose sapisti fare,
t’hai vinnutu lu meu fiju,
e pe trentatré denari.
S’eri vinutu a casa mia,
te n’era dati quanti ne ulivi,
e se non me basteria,
puru lu mantu me vinnia”.